سفیر الحب

حلم و علم

ارد اسولف قصّه بیهه انواع و اقسام المصایب

لانی نایم لانی مستیغض تمام او سافریت

بالخیال او طرت وی ریح الشمال

والنسیم اشگد حنین او ضیّفانی

شفت یا ما شفت بردان ابسفرتی اتعجّبیت

روحی طارت مثل طیر الطار من وکره او یغّرد

شفت من ابعید دخّان او تراب

او شفت نیران ابخیم و اجیوش کثره

داویه النار اعلی اهلهه اتعذّبیت

شفت نسوان او لطم واطفال غربه

امسنسلین

او شفت بیهه اعیال عطشانه او تلاعه

او یضرب ابصوطه اللعین

او شفت شاب امگیّدینه بالحبال

او حافی یمشی او یحثر ابرمل التلال

او شفت حرمه والدمع یجری اعلی خدهه

والینادیهه یعمّه ایگلهه وین الضعن یمشی

وین اهلنه اتگرّمیت

اشّرتله الراس جدّام الضعینه

اعلی الرماح امعلّگینه

و الجسد بالحومه ضل امگطّعینه

بالسیوف او بالسهام امخضّبینه

آه یگلبی

ابدون اخوتی اتأسریت

شوف عمه

ذاک ابو فاضل طریح

گطعوا اچفوفه عساکر آل امیّه

او یمّه اخوته

و ابشمله جاسم الدره الثمینه

او علی الکبر والاصحاب امجابلینه

کلهه صرعه اعلی الرمال

و انا مسبیّه خذونی

و الفواطم بالضعن و النوح  گایم

واللّه عمّه اتمرمریت

والکفر دارت علیهم

او منهم الیسگیهم ابمای المحنّه

او منهم ایبدّیه و ایسب ابذویهم

الغیر ربّی ما شکیت

الضعن سایر مستمر دیره اعلی دیره

والجیوش امحاصرتهم بالرکاب

هم اکو هیچی عذاب

اطبول و ادفوف او تغنّی

بالنصر و اصبح سراب

تفتر الحرّه الابیّه اعلی العیال

اتصبّر ابنسوان خلصانه ابصبرها

من بعد ذاک الدلال

سالت الدمعه انتهیت

للعقیله اتقرّبیت

ابهمس نشدیت اعلی ابو الیمّه او مصیره

والکفیل اشصار بیه و اتحسّریت

گالت  ارجع روح سلّمنی اعلی اخوتی ابکربلاء

حاچی اجساد البگت مترمّله

او گلهم اخیمنه احرگوها

والفواطم سلبوها

و الاطفال العطّشوها

امن الکوفه للشام او خذوها

بعد اخوتی اتبهذلّیت

ودعتهه او عینی تربی

والضعن سابج مصیره

او غادریت الکربلا او همی غریب

او شفت میدان الحرب

 و اجساد مطروحه او بعض تحت التراب

او شفت ابو الجساد جثّه ابلیه راس

او دمه ینزل

نحره ینهل

و الرماح ابکل مکانه امصوبات

جسمه مهروث ابعداوه

من حوافر خیل امیّه

امنبتات

رحت یم شیخ العشیره

لبوفاضل

شفت چفّینه ابمصابه امگطّعات

او رمح مشتول ابّطن عینه الکریمه

ابسدره عدّه امنبّتات

اعتقد  وکت الی صقط

مستحی من زینب او شد شوف عینه

اظن خجلان اعلی قوله

الواعداهه

ریحته اتعطّر محنّه

او غیره فاضت

والعلم مشچوخ یمّه احاه مثل شطب النبات

والشهاده الهم وصفهه

ابغیرهم ما تنعرف

کملّت دین الحیاة

باعوا ارواح او شرو حرّیه تشمخ

والثمن حب او ممات

ودعتهم ما اود اترک هواهم

انهی السفره ابوداع

ابساع ارد ما حسّبیت

لحظه وحده استیغضیت

سالن ادموعی او بچّیت

لشاعر اهل البیت:

جاسم ثعلبی (الحسّانی) 10/06/1399